Ֆլեշմոբի խնդիրների լուծումները տեսանյութերով. Միջին դպրոց
Մաթեմատիկական օլիմպիադայի խնդրի քննարկում. Միջին դպրոց
«Անանիա Շիրակացի», Խրախճականներ. Միջին դպրոց և Հյուսիսային դպրոց-պարտեզ
scratch-ով խաղեր. Ավագ դպրոց
«Հավասար» թվեր. 9-րդ դասարան
Կյուիզենի փայտիկներով խաղեր, մաս 2. Քոլեջ
«Իմ բնագետ ընտանիքը». Միջին դպրոցի սովորողներ
Միջին դպրոցի սովորողները ներկայացնում են «Իմ բնագետ ընտանիքը» նախագիծը: Այսինքն՝ այն սովորողները, ովքեր ունեն բնագետ ծնողներ, բնագետ պապիկ կամ տատիկ, բնագետ քույր կամ եղբայր, նրանց հետ հարցազրույց վարելով, ներկայացնում են իրենց սեբաստացի ընկերներին: Նախագծի նպատակն է ճանաչել, համագործակցել սեբաստացիների բնագետ հարազատների հետ: Նախագծի մեկնարկը տվեց Արեգ Հարությունյանը: Դիտե՛ք, ճանաչե՛ք, ընկերցե՛ք…
Արեգ Հարությունյան և պապիկ:
Ռադիոնյութ:
Մարիա Մելոյան և պապիկ:
Տեսանյութը տես ստորև՝
Մարիամ Մալյան և պապիկ:
Հարցազրույցը ստորև.
-Պապիկ, քո կարծիքով ի՞նչ է մաթեմատիկան:
-Մաթեմատիկան բնության մեջ բոլոր երևույթների բացահայտման հիմնաքարն է:
– Ի՞նչ տվեց այդ մասնագիտությունը քեզ:
Արագ կողմնորոշվելու, ստեղծագործելու, պահը ճիշտ գնահատելու, հարաբերվելու, դիմացինին լսելու և նրան գնահատելու կարողություններ: Մտածողություն, հեռատեսություն, կամային հզոր հատկություններ ու համբերատարություն: Նաև գեղեցիկը տեսնելու ու գնահատելու կարողություն:
-Ինչու՞ ես ընտրել այդ մասնագիտությունը:
Մաթեմատիկայի գեղագիտական կողմը տեսնել և գնահատել գեղեցկությունը բնության մեջ ոչ բոլորն են կարող: Գեղեցիկի ձևավորումը մարդու մեջ սկսվում է մաթեմատիկայից: Գեղեցիկի առաջի քայլերը տեսնում ենք մաթեմատիկայի մեջ: Մաթեմատիկայի մեջ կա էսթետիկա, կա արվեստ, իմացություն: Ու այս երեքի հանրագումարը տալիս է գեղեցիկը գնահատելու կարողություն: Քանզի ամեն մարդ չի կարող տեսնել մաթեմատիկայի մեջ գեղեցիկը, հենց դրանով էլ գեղեցիկի գնահատումը մաթեմատիկայում առանձնանում է այլ բնագավառներում գեղեցիկի գնահատումից: Ինձ բախտ վիճակվեց տեսնել ու գնահատել գեղեցիկը:
Նախագծի աղբյուրը՝ Միջին դպրոցի դասավանդող Սյուզի Հակոբյանի էջ:
Մաթեմատիկական խաղ. «Գտիր զույգը»
Արևմտյան դպրոցի մաթեմատիկայի ընտրության գործունեության խումբը և դասավանդող՝ Գրետա Բակունցը առաջարկում են մաթեմատիկական խաղ՝ «Գտիր զույգը»: Խաղը ստեղծել են learningapps.org էջում: Խաղը նախատեսված է տարատարիք երեխաների համար:
Խաղը տե’ս այստեղ:
Ֆլեշմոբի խնդիրների լուծումները տեսանյութերով-Միջին դպրոց
Միջին դպրոցի սովորողները, մաթեմատիկական ֆլեշմոբի խնդիրները լուծելոց հետո, իրենց նախընտրած, սիրելի խնդրի լուծումը ներկայացնում են տեսանյութով:
Խնդիր 1. Առաջին կանգառում ավտոբուսից իջան 3 ուղևոր, երկրորդ կանգառում բարձրացան 6 ուղևոր, երրորդ կանգառում իջան 4 ուղևոր և բարձրացան 3 ուղևոր։ Արդյունքում ավտոբուսում մնացին 15 ուղևոր։ Սկզբում ավտոբուսում քանի՞ ուղևոր կար։
Սամվել Մխիթարյան, 6-4դասարան
Խնդիր 2. Կ, ո, դ տառերից յուրաքանչյուրին համապատասխանում է 0-ից 9 թվանշաններից որևէ մեկը: Բացի՛ր կողպեքը՝ օգտվելով հետևյալ հուշումներից․ 682 թվի մեջ թվանշաններից մեկը ճիշտ է գրված և իր տեղում է (ճիշտ կարգում է), 614 թվի մեջ թվանշաններից մեկը ճիշտ է գրված, սակայն իր տեղում չէ (ճիշտ կարգում չէ), 260 թվի մեջ թվանշաններից երկուսը ճիշտ են գրված, սակայն իրենց տեղերում չեն (ճիշտ կարգերում չեն), 738 թվի մեջ ճիշտ թվանշաններ գրված չեն, 438 թվի մեջ թվանշաններից մեկը ճիշտ է գրված և իր տեղում է (ճիշտ կարգում է):Յոթ հատ 9-ի և թվաբանական գործողությունների միջոցով ստացի՛ր ամենափոքր եռանիշ թիվը։
Արեգ Հարությունյան, 6-4 դասարան
Խնդիր 3.
Գտի՛ր 1000-ից փոքր այն բնական թվերի քանակը, որոնք 5-ի բաժանելիս մնացորդում ստացվում է 2:
Միքայել Հովհաննիսյան, 6-5 դասարան
Խնդիր 4.
Չորսի բաժանվող քանի՞ եռանիշ թիվ կարող ես կազմել միայն 0, 1, 2, 5 թվանշանները օգտագործելով, եթե թվերից յուրաքանչյուրի գրառման մեջ թվանշանները չեն կարող կրկնվել։
Խնդիր 5. Յոթ հատ 9-ի և թվաբանական գործողությունների միջոցով ստացի՛ր ամենափոքր եռանիշ թիվը։ Չարչյան Աշոտ, Յոլյան Ադրիանա, Միջին դպրոց, 6-2, 6-5դասարաններ
Խնդիր մաթեմատիկական օլիմպիադայից-Միջին դպրոց Միջին դպրոցի վեցերորդցիները այս ուսումնական տարվա մաթ. օլիմպիադայի խնդիրներից մեկի լուծումը ներկայացրել են տեսանյութով:
Խնդիր: Վեց երեխա հանդիպեցին և բոլորը միմյանց ողջունեցին ձեռքսեղմումով։ Ընդամենը քանի՞ ձեռքսեղմում եղավ։
Լուծումը տեսանյութում.
Հետևություն: Եթե հանդիպեն n թվով ընկրեներ, և բոլորը միմյանց ողջունեն ձեռքսեղմումով, ուրեմն ձեռք սեղմումների թիվը կլինի. 1+2+3+4+…(n-1)=(1+n-1)/2*(n-1)=n*(n-1)/2:
«Անանիա Շիրակացի», խրախճականներ. Միջին դպրոց և Հյուսիսային դպրոց
Ամասագրի օրացույցով որոշված «Անանիա Շիրակացի» օրերին ընդառաջ Միջին դպրոցի սովորողները պատրաստել են հետևյալ աշխատանքները:
Տեղեկություն Անանիա Շիրակացու մասին: Աղբյուրը՝ Միջին դպրոցի դասավանդող Զարինե Փանյանի էջ:
Խրախճականներ:
Խնդիր1. Մի մարդ մտավ երեք եկեղեցի։ Առաջին եկեղեցում Աստծուց հետևյալը խնդրեց. «Տո՛ւր ինձ այնքան, որքան ես ունեմ, և ես կտամ քեզ քսանհինգ դահեկան»։ Այդպես խնդրեց նաև երկրորդում և տվեց քսանհինգ դահեկան, նույնը՝ նաև երրորդում, և նրա մոտ ոչինչ չմնաց։ Իմացի՛ր, թե սկզբում նա քանի՞ դահեկան ուներ։Լուծում։
Լուծում 1.
III եկեղեցում՝ քանի որ նրա մոտ ոչինչ չմնաց, ուրեմն ուներ 12․ 1/ 2 (դահեկան)
II եկեղեցում՝ (12․1/ 2 + 25) : 2 = 18․ 3/ 4 (դահեկան)
I եկեղեցում՝ (18․3/ 4 + 25) : 2 = 21․ 7/ 8 (դահեկան) ( 7 /8 = 1/ 2 + 1/ 4 + 1/ 8 ):
Տես նկարը՝
Լուծում 2:
Ենթադրենք ուներ X դահեկան I եկեղեցում՝ մնաց ` 2 x-25 դահեկան
II եկեղեցում՝ 2(2x-25)-25 = 4x-75 դահեկան
III եկեղեցում՝ 2(4x-75)-25 = 8x-175 դահեկան
8x-175 = 0
x=21. 7/ 8
Պատասխան՝ դահեկանների թիվը եղել է 21. 7/ 8:
Խնդրի աղբյուրը՝ Մաթեմատիկա 6-րդ դասարանի դասագիրք( Բ.Նահապետյան, Ա. Աբրահամյան, «ՄԱՆՄԱՐ» հրատարակչություն, Երևան 2016թ.):
Խնդիր 2. Մի վաճառական անցավ երեք քաղաքներով: Առաջին քաղաքում նրանից մաքս վերցրին ունեցածի կեսը և երրորդ մասը, երկրորդ քաղաքում հաշվեցին ինչ որ ուներ, վերցրին մնացածի կեսը և երրորդ մասը, իսկ երրորդ քաղաքում դարձյալ հաշվեցին և վերցրին մնացածի կեսը և երրորդը: Եվ երբ այդ մարդը տուն հասավ, նրա մոտ մնացել էր 11 դահեկան: Իմացիր, թե ընդամենը քանի՞ դահեկան ուներ:
Լուծում 1.
III քաղաքում՝ վերցրին մնացածի կեսը և երրորդը`
1–( 1 /2 + 1 /3 ) = 1 /6 , որը 11 դահեկան էր: Ուրեմն ուներ՝ 11*6=66 դահեկան
II քաղաքում` նմանապես՝ արդեն կունենանք` 66*6=396 (դահեկան)
I քաղաքում` կունենանք 396*6=2376 (դահեկան):
Խնդիր 3. Ես հորիցս այսպես լսեցի. պարսիկների դեմ հայերի մղած պատերազմի ժամանակ մեծ քաջագործություններ է կատարվում Զորակ Կամսարականի կողմից, որպես թե մեկ ամսվա մեջ երեք անգամ հարձակվում է պարսկական զորքերի վրա: Առաջին անգամ նա կոտորում է զորքի կեսը, հետապնդելով՝ երկրորդ հարձակման ժամանակ կոտորում է քառորդ մասը, երրորդ անգամ հարձակվելիս՝ տասնմեկերորդը, իսկ մնացածները, թվով 280, փախչում են Նախիջևան։ Մնացածների հաշվով մենք պարտավոր ենք իմանալ, թե կոտորածից առաջ որքա՞ն էր պարսկական զորքը։
Լուծում 1.
Կամսարականը կոտորեց զորքի՝ 1 /2 + 1 /4 + 𝟏/ 𝟏𝟏 = 𝟑𝟕/ 𝟒𝟒 մասը,
Մնաց զորքի՝ 1- 37 /44 = 7/ 44 մասը, թվով՝ 280 հեծյալ:
Կոտորածից առաջ կունենանք՝ 280×4:7 = 1760 հեծյալ:
Լուծում 2.
Պարսկական զորքի հեծյալների թիվը նշանակենք x ,
կունենանք` ( x /2 + x /4 𝑥 +x/ 11) + 280 = x:
Լուծելով հավասարումը կստանանք՝ X= 1760
Պատասխան՝ կոտորածից առաջ 1760 հեծյալ կար:
Խնդիր 4. Իմ մերձավոր մարդկանցից մեկը, մեկնելով Բահլ, շահավոր մարգարիտներ ձեռք բերեց: Տուն վերադառնալով և հասնելով Գանձակ, նա մարգարիտների կեսը ծախեց հատը հիսուն դրամով, գալով Նախիջևան՝ վաճառեց քառորդ մասը՝ հատը 70 դրամով, ապա հասնելով Դվին՝ ծախեց տասներկուերորդ մասը՝ հատը 50 դրամով: Երբ նա եկավ մեզ մոտ՝ Շիրակ, նրա մոտ մնացել էր ընդամենը 24 հատ մարգարիտ: Մնացածի հաշվով իմացիր, թե ընդամենը քանի՞ մարգարիտ է եղել և քանի՞ դրամ էր մարգարիտների գինը:
Լուծում 1.
Վաճառվել է մարգարիտների՝ 1/ 2 + 1 /4 + 1 /12 = 5 /6 , մասը, մնացել է 1/ 6 − ը, որը 24 հատ է:
Քանի որ ամբողջի 1/ 6 -ը 24 հատ է, հետևաբար ամբողջը կլինի 144 մարգարիտ:
Այնուհետև կունենանք՝ ( 144 /2 + 144 /12 ) x50 + 144 4 x 70 = 6720 (դրամ):
Լուծում 2.
Մարգարիտների քանակը նշանակենք x: Կստացվի՝ x – ( x/ 2 + x/4 + x/ 12 ) = 24:
Լուծելով հավասարումը կստանանք՝
x = 144,
նշ. է կար 144 մարգարիտ:
Պատասխան՝ մարգարիտները 144 հատ էին, մարգարիտների գինը՝ 6720 դրամ:
Խնդիր 5. Պարսիկների դեմ հայերի ապստամբած ժամանակ, երբ Զորակ Կամսարականը սպանեց Սուրենին, հայ ազնվականներից մեկը դեսպան ուղարկեց պարսից թագավորի մոտ՝ այդ գույժը նրան հաղորդելու: Դեսպանը գնում էր օրական 50 մղոն: 15 օր հետո, երբ Զորակ Կամսարականն այդ իմանում է, դեսպանին բռնելու համար նրա ետևից հետապնդողներ է ուղարկում, որոնք անցնում էին օրական 80 մղոն(ճանապարհ): Իմացի՛ր, թե նրանք քանի՞ օրում կհասնեին դեսպանին:
Հյուսիսային դպրոցի չորրորդ դասարանի սովորողները և դասավանդող Անի Միրզոյանը կազմել են խաչբառ Անանիա Շիրակացի բանալիով, այն նախատեսված է ամենակրտսեր սովորողների համար:
Հարց 1․ Արմենը ուներ 6 խնձոր։ Արամը Արմենից երկու անգամ շատ ուներ։ Քանի՞ խնձոր ունեն Արամն ու Արմենը միասին։ (Ճիշտ պատասխանի դեպքում գրել Շիրակացի, հորիզոնական տողով):
Հարց 2․ Բերքհավաքի առաջին օրը հավաքեցին 250կգ խնձոր, իսկ երկրորդ օրը 3 անգամ ավելի շատ։Քանի՞ կիլոգրամ խնձոր հավաքվեց երկու օրում։ (Ճիշտ պատասխանի դեպքում 2․-րդ և 4․-րդ համարներում գրել Ն տառը):
Հարց 3․ Լիան, Նարեն և Սիլվին միասինունեն 10 խնձոր։ Մի օրում նրանք միասին ուտում են 3 խնձոր։ Քա՞նի օր հետո կվերջանան խնձորները։ (Ճիշտ պատասխանի դեպքում 3․-րդ և 6-րդ համարում կտեղադրվի՝ Ա տառը)
Հարց 4․ Լիանը, Մարիան, Սիլվին ու Լուսինեն գնացին խանութ գնումներ կատարելու։ Նրանցից յուրաքանչյուրի մոտ կար 3000 դրամ։ Նրանց գումարը կբավարարի 8000դրամ արժողությամբ իր գնելու համար։ (Ճիշտ պատասխանի դեպքում 5․-րդ համարում կտեղադրվի՝ Ի տառը):
Scratch ծրագրով խաղեր- Ավագ դպրոց
Ավագ դպրոցի դասավանդող Հերմինե Անտոնյանը և ՏՏ խմբի սովորողները պատրաստել են scratch ծրագրով խաղեր տարատարիք երեխաների համար:
«Քվանտիկ» ամսագրի 2012 թվականի հինգերորդ համարում, էջ 28-ում կա այսպիսի օրինակ:
Պարզվում է, որ կարող ենք ընտրել այնպեսի թվեր, որ տեղի ունենա հետևյալ հավասարությունը՝
3 + 85 + 4 = 38 + 54:
Այդ թվերն անվանենք «Հավասար» թվեր: Հոդվածի հեղինակ՝ Սերգեյ Ֆեդին:
Կարո՞ղ ես հորինել նմանատիպ օրինակներ: Դիցուք ունենք չորս թվեր՝ A, B, C, D.
1.Այս հավասարությունը տեղի ունի A + BC + D = AB + CD այն և միայն այն դեպքում, եթե B = A + C:
Ապացույց:
A + BC + D = AB + CD հավասարությունը նշանակում է, որ
A + 10B + C + D = 10A + B + 10C + D: Սա էլ իր հերթին համարժեք է նրան, որ
9B = 9A + 9C, այսինքն, B = A + C:
Օրինակ՝
3 + 52 + 7 = 35 + 27:
Նույնը կարելի է պնդել, եթե բոլոր թվերը A, B, C,D լինեն երկնիշ թվեր (կամ կարող եք բոլորը վերցնել եռանիշ,
կամ բոլորը քառանիշ և այլն):Օրինակ՝
43 + 5714 + 25 = 4357 + 1425։
Կյուիզենի հաշվողական փայտիկներով նյութը բազմաֆունկցիոնալ մաթեմատիկական ուղեցույց է, որը թույլ է տալիս նախադպրոցական տարիքի երեխայի մոտ ձևավորել պատկերացում թվային հաջորդականմության մասին, թվի կազմության մասին, շատ-քիչ, երկար-կարճ, ձախ-աջ, միջև, ավելի -երկար, ավելի բարձր հասկացությունների մասին և այլն:
Ուղեցույցի առաջին մասին կարող եք ծանոթանալ հղումով։ թարգմանեցին՝ Քոլեջի դասավանդող Ելենա Օհանյանը և երրորդ կուրսի սովորողները:
Մաս երկրորդ:
11. Երեխայի առջև դրեք մի քանի փայտիկ ձողիկներ, ժամանակ տվեք երեխային հիշել դրանք, իսկ հետո, քանի երեխան չի տեսնում , թաքցրեք փայտիկներից մեկը: Երեխան պետք է գուշակի, թե որ փայտիկն է պակասում։
12. Դրեք մի քանի ձողիկներ, թողեք երեխային հիշի դրանց դիրքը, այնուհետև փոխեք փայտիկները տեղերով: Երեխան պետք է ամեն ինչ իր տեղը դնի:
13. Երեխայի առջև դրեք երկու ձողիկներ։ Ո՞րն է ավելի երկար։ Ո՞րը կարճ։ Այդ ձողիկները դրեք միմյանց վրա, ծայրերը հավասարեցրեք և ստուգեք։
14. Երեխայի առջև դրեք Կյուիզեների մի քանի ձողիկներ և հարցրեք. ո՞րն է ամենակարճը, իսկ ո՞րն է ամենաերկարը։