- A քաղաքից դեպի B տանում են երկու ճանապարհներ, որոնք իրար միացված են 10 կամուրջներով: Քանի՞ եղանակով է հնարավոր A-ից հասնել B՝ միևնույն վայրով չանցնելով մեկից ավելի անգամ:
Նկատենք, որ ամեն կամրջի ավելանալու հետ միասին A-ից B հասնելու (մեր խնդրի պայմանին բավարարող) 2 նոր հնարավորություն է ավելանում A կետից դուրս եկող սկզբնական 2 ճանապարհներին՝
1 կամուրջ – 2*2 եղանակ
2 կամուրջ – 2*2*2 եղանակ
3 կամուրջ – 2*2*2*2 եղանակ
Եվ ուրեմն՝
10 կամուրջ – 2 11= 2048 եղանակ
Նունե Թեմուրյան
ա . Ենթադրենք ընդհանրապես կամուրջ չկա:
Ակնհայտ է, որ այդ դեպքում կա 2 ճանապարհ:
բ . Ենթադրենք ունենք 1 կամուրջ:
Այս դեպքում կա 2*2= ճանապարհ:
գ . Ենթադրենք ունենք 2 կամուրջ:
Այս դեպքում եղած ճանապարհները կավելանան 2 անգամ:
Արդյունքում կունենանք 2*2*2= ճանապարհ: Շարունակելով նույն տրամաբանությունը՝ 10 կամուրջների համար կստանանք 2*2*2*2*2*2*2*2*2*2*2==2048 ճանապարհ:
Թաթուլ Շահնազարյան
Պատասխան՝ 2048:
- Իրարից տարբեր քանի՞ կանոնավոր կոտորակ կարելի է գրել՝ օգտագործելով 1, 3, 5, 7, 9, 11, 13, 17 թվերը:
Կոտորակը, որի համարիչը փոքր է հայտարարից, կոչվում է կանոնավոր կոտորակ: Այժմ վերցնենք այն կանոնավոր կոտորակները, որոնց հայտարարը 1 է: Ակնհայտ է որ այդպիսի կոտորակ չկա: Այժմ վերցնենք այն կանոնավոր կոտորակները, որոնց հայտարարը 3 է: Այդ կոտորակն է 1/3 : Այժմ վերցնենք այն կանոնավոր կոտորակները, որոնց հայտարարը 5 է: Այդ կոտորակներն են 1/5 , 3/5 : Այժմ վերցնենք այն կանոնավոր կոտորակները, որոնց հայտարարը 7 է: Այդ կոտորակներն են 1/7 , 3/7 , 5/7 :Այժմ վերցնենք այն կանոնավոր կոտորակները, որոնց հայտարարը 9 է: Այդ կոտորակներն են 1/9 , 3/9 , 5/9, 7/9: Այժմ վերցնենք այն կանոնավոր կոտորակները, որոնց հայտարարը 11 է: Այդ կոտորակներն են 1/11 , 3/11, 5/11, 7/11, 9/11 : Այժմ վերցնենք այն կանոնավոր կոտորակները, որոնց հայտարարը 13 է: Այդ կոտորակներն են 1/13, 3/13, 5/13, 7/13, 9/13, 11/13 : Այժմ վերցնենք այն կանոնավոր կոտորակները, որոնց հայտարարը 17 է: Այդ կոտորակներն են 1/17, 3/17, 5/17, 7/17, 9/17, 11/17, 13/17 : Այժմ ուղղակի հաշվենք ստացված և իրարից տարբեր կոտորակները, կստանանք խնդրի պայմանին բավարարող կոտորակների քանակը՝ 28 :
Թաթուլ Շահնազարյան
Եթե կոտորակի համարիչը վերցնենք 1 թիվը ապա կստացվի ՝ 1/3, 1/5, 1/7, 1/9, 1/11, 1/13, 1/17:
Եթե կոտորակի համարիչը վերցնենք 3 թիվը ապա կստացվի նախորդից 1-ով պակաս կանոնանոր կոտորակներ։Ապա ընդհանուր քանակը կստացվի․
7+6+5+4+3+2+1= 28
Սյուզի Հակոբյան
Պատասխան` 28:
- Պղնձի և ցինկի համաձուլվածքը պարունակում է 35 տոկոս պղինձ: Համաձուլվածքի 60 կգ–ը խառնեցին 90 կգ մաքուր ցինկի հետ: Ստացված համաձուլվածքի քանի՞ տոկոսն է ցինկ:
Համաձուլվածքի 60 կգ-ի մեջ՝
60*65/100 = 39կգ ցինկ
Նոր խառնված համաձուլվածքի՝
60 + 90 =150կգ կտորում
39 + 90 =129 կգ ցինկ է;
Այսինքն, ստացված համաձուլվածքում ցինկը՝
129*100/150=86%Նունե Թեմուրյան
1) 60+90=150 կգ ստացված համաձուլվածքի քաշը
2) 100%-35%=65% ցինկ 60կգ-անոց համաձուլվածքում
3) 60*65%/100%=39 կգ ցինկ 60կգ-անոց համաձուլվածքում
4) 39+90=129 կգ ցինկ ստացված համաձուլվածքում
5) 150 → 100%
129 → X%
X=129*100/150=86% ցինկ ստացված համաձուլվածքումԵլենա Օհանյան
Պատասխան` 86:
- Հաշվեք.lg tg20+lg tg40+lg ctg20+lg ctg40:
lg tg20+lg tg40+lg ctg20+lg ctg40 = lg tg20*tg40*ctg20*ctg40=lg (tg20*ctg20)*(tg40*ctg40) = lg 1 = 0Մնուա Հարությունյան
Սյուզի Հակոբյան
Պատասխան` 0:
- Քանի՞ 0 կա ստացվող թվի վերջում.(15)^4 ∙(24)^3 ∙(42)^6:
Տրված թիվը ներկայացնենք պարզ արտադրիչների աստիճանների արտադրյալի տեսքով և կատարենք որոշակի ձևափոխություններ:
Թաթուլ Շահնազարյան
Կատարենք փոքրիկ ձևափոխություն․
(15)4 ∙(24)3 ∙(42)6=(15*42)4 ∙(24)3 ∙(42)2։
Արտահայտության մեջ միայն 5-ի և 2-ի արտադրյալի արդյունքն է ավարտվում 0-ով, ու քանի որ (15*42)4, ապա արդյունքում ստացված թվի վերջում կան 4 զրոներ։Լուսինե Ներսեսյան
- Մաթեմատիկայի կաբինետը լուսավորում են երեք լամպերը: Հավանականությունը, որ տարվա ընթացքում լամպերից գոնե մեկը կայրվի, հավասար է 0,3-ի: Հաշվեք հավանականությունն այն բանի, որ լամպերից գոնե մեկը տարվա ընթացքում չի այրվի (փչանա):
Այս խնդիրն ավելի հեշտ կլինի, եթե մենք սկսենք լուծել նրա հակադարձ խնդիրը: Նախ գտնենք բոլոր երեք լամպերի այրման հավանականությունը՝P= 0,3*0,3*0,3=0,027
Իսկ այժմ գտնենք դրա հակադարձ հավանականությունը, որը և կլինի հենց այն բանի հավանականությունը, երբ լամպերից գոնե մեկը տարվա ընթացքում չի այրվի (փչանա):
1-P = 1- 0,027= 0,973
Նունե Թեմուրյան
Վերհիշենք հավանականությունների բազմապատկման թեորեմը անկախ պատահույթների համար:
Երկու անկախ պատահույթների համատեղ հանդես գալու հավանականությունը հավասար այդ պատահույթների հավանականությունների արտադրյալին: Հավանականությունը, որ տարվա ընթացքում լամպերից երեքն էլ կայրվեն հավասար է՝ 0,3^3=0,027
Երկու հակադիր պատահույթների հավանականությունների գումարը հավասար է մեկ, այիսնքն՝ հավանականությունն այն բանի, որ լամպերից գոնե մեկը տարվա ընթացքում չի այրվի`
1-0, 027=0, 973
Լիաննա Հակոբյան
Պատասխան՝ 0,973:
- Գտեք հավասարման բնական լուծումները.4x2-y2=19
Հավասարման ձախ մասը քառակուսիների տարբերության բանաձևն է՝
Քանի որ երկու արտադրիչների արտադրյալը 19 է, և խնդրում նշված է, որ բնական լուծումներն է պահանջվում, ապա կբացառենք այն դեպքը, որ երկու բացասական թվերի արտադրյալը դրական թիվ է։ Եվ հաշվի առնենք, որ 19-ը պարզ թիվ է, այսինքն այն միայն կարող ենք ներկայացնել 1 և 19-ը թվերի արտադրյալի տեսքով։
Տեղադրենք և համոզվենք, որ ստացված լուծումները տեղի ունեն՝
4*5^2-9^2=100-81=19Զարինե Փանյան
Սմբատ Պետրոսյան
Պատասխան` (5, 9):
- Գտնել արտահայտության ամենափոքր հնարավոր արժեքը․
Անի Միրզոյան
Պատասխան` 10/3:
- ABC եռանկյան համար բավարարում են ha ≥ a, hb ≥ b պայմանները: Գտեք եռանկյան անկյունները:
Եռանկյան կողմերը նշանակենք a, b և c- ով: Ըստ պայմանի՝ a և b կողմերին տարված ha և hb բարձրությունները փոքր չեն այն կողմից, որի վրա իջեցված են՝ha ≥ a, hb ≥ b;
Բացի այդ, քանի որ կետից (եռանկյան գագաթից) ուղղին տարված (եռ. կողմին իջեցված) ուղղահայացը հանդիսանում է ամենակարճ հեռավորությունը, հետևաբար՝
ha ≤ b, hb ≤ a.
Միավորելով այս երկու անհավասարությունները կստանանք՝
a ≤ ha ≤ b ≤ hb ≤ a, որտեղից եզրակացնում ենք, որ
a = b = ha = hb:
a = b պայմանը նշանակում է, որ եռանկյունին հավասարասրուն է, իսկ a = hb և b = ha, որ a և b կողմերը միաժամանակ հանդիսանում են նաև այդ եռանկյան բարձրություններ, և փոխուղղահայաց են միմյանց նկատմամբ:
Այսպիսով, դիտարկվող եռանկյունը ուղղանկյուն է և հավասարասրուն, իսկ նրա անկյունները՝ 90 °, 45 ° և 45 ° են:
Նունե Թեմուրյան
Պատասխան` 450, 450, 900:
- Բուրգն ունի 23 եռանկյունաձև նիստ։ Քանի՞ կող ունի այն։
Սովորողների հետ նախ քննարկենք եռանկյուն բուրգի դեպքը։Եռանկյուն բուրգն ունի 3+1=4 գագաթ՝ D, A, B, C, 3+1=4 նիստ, որոնցից 1 -ը բուրգի հիմքն է՝ ABC, իսկ մնացած 3-ը կողմնային նիստերն են՝ ADB, BDC, ADC և 2*3=6 կող՝ DA,DB,DC,AB,BC, AC:
Գտնենք օրինաչափություն․
n անկյուն բուրգն ունի n+1 գագաթ, n+1 նիստ, որոնցից 1 -ը բուրգի հիմքն է, իսկ մնացած n-ը կողմնային նիստերն են և ունի 2n կող:
Քանի որ բուրգն ունի 23 եռանկյունաձև նիստ, որոնք հանդիսանում են բուրգի համար կողմնային նիստեր, ուստի բուրգի բոլոր նիստերի քանակը 23+1=24 է( որոնցից 1 -ը բուրգի հիմքն է, իսկ մնացած 23-ը կողմնային նիստերն են)։
Քանի որ n անկյուն բուրգն ունի n+1 նիստ, ուստի` 24-1=23, քսաներեքանկյուն բուրգ է և ունի 2*23=46 կող։
Գրետա Բակունց
Քանի որ բուրգն ունի 23 եռանկյունաձև նիստ, հետևաբար բուրգի հիմքը բազմանկյուն է, որը ունի 23 կողմ: Իսկ 23 կողմ ունեցող բազմանկյունը ունի 23 գագաթ: Այսպիսով մեր բուրգը կունենա 23 հիմքի կող, և հիմքից գագաթ ձգվող 23 կողմնային կող: Արդյունքում ստացանք ընդհանուր 46 կող:
Թաթուլ Շահնազարյան
-
Պատասխան՝ 46: