- Մի երկրում կան միայն 7, 8 և 9 թվանշանները: Քանի՞ եռանիշ թիվ կա այդ երկրում:
Այս խնդիրը եթե բացատրելու լինեմ կրտսեր դպրոցում, ապա ուղղակի բոլոր եռանիշ թվերը կգրենք և կհաշվենք: Կսկսենք 7-ով գրվող թվերը, որոնք կլինեն777,778,779, 787, 788, 789, 797, 798 , 799
Այսպես մյուս թվերը արդեն էլ չենք գրի, ուղղակի կտեսնենք, որ 7-ով սկսվող եռանիշ թվերը 9 հատ են ուրեմն 3 x 9 = 27 հատ եռանիշ թիվ:
Կամ 33= 3 x 3 x 3 = 27
Սմբատ Պետրոսյան
Եռանիշ թիվ կազմելու համար հարյուրակի, տասնյակի, միավորի կարգում ունենք համապատասխանաբար երեք տարբերակ, ապա ընդհանուր տարբերակների քանակը կլինի ` 3x3x3=27։
Սյուզի Հակոբյան
Պատասխան` 27:
- Մեծ քառակուսու մակերեսի ո՞ր մասն է ստվերագծված:
Մեծ քառակուսին բաժանված է 16 փոքր մասերի, ներկված է 4 մասը: Հետևաբար՝ ներկված է մեծ քառակուսու 4/16=1/4 մասը:Ելենա Օհանյան
Լյովա Սարգսյան
Պատասխան`1/4:
- Բեռնատարներից առաջինում 4 անգամ ավելի շատ բեռ էին բարձել, քան երկրորդում: Երկրորդ բեռնատարում 24 տոննայով քիչ բեռ էին բարձել, քան առաջինում: Քանի՞ տոննա բեռ էին բարձել երկրորդ բեռնատարում:
Այս խնդիրը դասարանում լուծեցինք մասերի միջոցով՝Եթե ընդհանուր բեռները բաժանենք մասերի, ապա
2-րդ բեռնատարը՝ 1 մաս
1-ին բեռնատարը՝ 4 մաս
Քանի որ երկրորդ բեռնատարում 24 տոննայով քիչ բեռ էին բարձել, քան առաջինում, ապա 24-ը կլինի նրանց ունեցած բեռների տարբերությունը։
4-1=3 կամ կարելի է գրել նաև 4 մաս — 1 մաս= 3 մաս
3 մասը կլինի 24, իսկ 1 մասը՝ 24 : 3 = 8, ուրեմն երկրորդ բեռնատարը՝ 8 տոննա։
Գրետա Բակունց
Բեռնատարներից առաջինում 4 անգամ ավելի շատ բեռ էին բարձել, քան երկրորդում: Երկրորդ բեռնատարում 24 տոննայով քիչ բեռ էին բարձել, քան առաջինում: Քանի՞ տոննա բեռ էին բարձել երկրորդ բեռնատարում:
Այս խնդիրը կարելի է լուծել մասերով: Առաջին բեռնատարում 4 մաս բեռ, երկրորդ բեռնատարում 1 մաս բեռ: Եթե 4 մասից հանենք 1 մաս կստանանք 3 մաս, որը 24 տոննա է: Այստեղից կհետևի, որ մեկ մասը 8 տոննա է: Կստանանք, առաջին բեռնատարում կա 4 x 8 = 32 տ, երկրորդ բեռնատարում 1 մաս՝ 8 տ: Ստուգելու համար 32-8 = 24: Ստացանք, որ ճիշտ ենք լուծել:
Սմբատ Պետրոսյան
Պատասխան` 8:
- Քառակուսու պարագիծը 24 սմ է: Գտեք այդ քառակուսու մակերեսը:
Քանի որ քառակուսու 4 կողմերը իրար հավասար են և P-ն 4 կողմերի գումարն է => 24 : 4 = 6սմ, յուրաքանչյուր կողմը հավասար է 6 սմ
Քառակուսու մակերեսը հավասար է a2 (կողմի քառակուսի աստիճանի )=> S=36սմ2Լյովա Սարգսյան
Պատասխան` 36:
- Գտեք 50-ից մեծ այն երկնիշ թիվը, որը պատիկ է 5-ին, և որի թվանշանների գումարը 8 է:
Նախ վերհիշենք,որ 5-ի պատիկ թվերը վերջանում են 0-ով կամ 5-ով:Հետևաբար այդ պայմաններին բավարարող թիվը 80-ն է:Մենուա Հարությունյան
Նախ կհասկանանք, թե ինչ է նշանակում թվի բազմապատիկ։ Ա թվի բազմապատիկ կոչվում է այն թիվը, որը անմնացորդ բաժանվում է Ա-ի վրա։
Սովորողների հետ կգրենք 50-ից մեծ 5-ի պատիկ բոլոր երկնիշ թվերը։
55, 60, 65, 70, 75, 80, 85, 90, 95
Այժմ այս 8 երկնիշ թվերից կգտենք այն թիվը, որի թվանշանների գումարը հավասար կլինի 8-ի։
8+0=8
Որոնելի թիվը կլինի 80-ը։
Անի Միրզոյան
Պատասխան՝ 80:
- Գերանը պետք է սղոցելով բաժանել 10 մասի: Յուրաքանչյուր սղոցումը տևում է 4 րոպե: Քանի՞ րոպեում կավարտվի ամբողջ աշխատանքը:
Գերանը 10 մասի բաժանելու համար պետք է այն սղոցել 9 տեղից։ Քանի որ մեկ սղոցումը տևում է 4 րոպե, ապա պարզ հաշվարկով կիմանանք 9 սղոցումը քանի րոպե կտևի՝ 9×4=36րոպե:Զարինե Փանյան
Ելենա Օհանյան
Պատասխան` 36:
- Որքա՞ն է CD հատվածի երկարությունը՝ արտահայտված սանտիմետրերով, եթե AD=125մմ, AB=25մմ, BC=70մմ:
Այս խնդիրը սովորողների մի մասը լուծեց այս կերպ՝
ǀCDǀ=ǀADǀ-(ǀABǀ+ǀBCǀ)
25 + 70 = 95 մմ
125 — 95 = 30 մմ=3 սմ
Սովորողների մի մասն էլ լուծեց այս կերպ՝
ǀABǀ+ǀBCǀ+ǀCDǀ=ǀADǀ
ǀCDǀ=ǀADǀ-ǀABǀ-ǀBCǀ
125 -25-70 = 30 մմ=3 սմԳրետա Բակունց
Զարինե Փանյան
Պատասխան` 3:
- Գտեք հետևյալ պատկերներից մեծի մակերեսը:
Առաջին պատկերի մակերեսը կլինի՝ 5*10+14*7=148:
Իսկ երկրորդ պատկերի մակերեսը կլինի՝ 13*6+11*7=155:
148<155Հետևաբար, պատկերներից մեծ մակերես ունի երկրորդը։
Լուսինե Ներսեյան
Պատասխան` 155:
- Երեք իրար հաջորդող բնական կենտ թվերի գումարը 225 է: Ո՞րն է այդ թվերից ամենափոքրը:
Հեշտ է նկատել,որ իրար հաջորդող կենտ թվերը մեկը մյուսից մեծ են 2-ով: Եթե երկրորոդ թվից հանենք 2, իսկ երրորդ թվից 4, ապա բոլոր երեք թվերը կհավասարվեն՝ 225 – (2+4) = 219: Մնում է ստացվածը բաժանել երեքի, որպիսզի գտնենք այդ թվերից ամենափոքրը՝ 219:3 = 73:Մենուա Հարությունյան
Վերհիշում ենք բնական թվերը։
Ո՞ր թիվն է, որ բնական չէ։
Ո՞ր թվերն են կոչվում կենտ թվեր։
Քանի որ մեզ հարկավոր է գտնել 3 իրար հաջորդող բնական կենտ թվեր, որոնց գումարը կլինի 225։ 225 թիվը բաժանում ենք 3 հավասար մասերի՝ 225:3=75։ Առաջին որոնելի կենտ թիվը 75-ն է։ Համաձայն խնդրի տվյալների մենք պետք է գտնեինք իրար հաջորդող բնական կենտ թվեր։ 75-ից պակաս բնական կենտ թիվը կլինի 73-ը, իսկ մյուսը կլինի՝ 77։
75-2=73, 75+2=77
73+75+77=225
Անի Միրզոյան
Պատասխան` 73:
- Երեք ծառայող 9510 դրամ ստացան։ Եթե առաջինը 410 դրամով պակաս ստանար, երկրորդը՝ 550-ով ավելի, իսկ երրորդը՝ 140-ով պակաս, բոլորը հավասար վարձատրված կլինեին։ Որքա՞ն ստացավ երկրորդը:
Եթե կատարենք վերը նշված փոփոխությունները, ապա կնկատենք , որ աշխատավարձերի ընդհանուր գումարը կմնա ամփոփոխ` 9510դրամ․
-410+550-140=0:Փոփոխությունը կտարելուց հետո յուրաքանչյուրի աշխատավարձը կլինի նույնը՝
9510 : 3= 3170դրամ:Քանի որ երկրորդի աշխատավարձը բարձրացրել էինք 550-ով, ապա նրա իրական աշխատավարձը կլինի՝
3170-550=2620 դրամԼուսինե Ներսեսյան
Խնդիրը լուծենք ՝ օգտվելով վերջի պայմանից․բոլորը հավասար ստանալու պայմանում կունենային․
9510։3= 3170 ( հավասար վարձատրված դեպքում )
3170+410=3580 (I)
3170-550=2620 (II)
3170+140= 3310 (III)
Սյուզի Հակոբյան
Պատասխան` 2620 դրամ: